RKLP 04 DEZEMBRO 2025
Diretór EBC Tarabula Leandro da Costa Haktu’ir Ba Programa Intensivo ne’e Ita iha fasilitadora nain 2 ne’ebé durante hanorin Hela labarik Sira, Programa ida hahú implementa durante Fulan 5 iha Suku ida ne’e. No Leandro mós hatutan katak,
Iha Tinan 2026 Ensinu Basiku Tarabula sei iha Eskola Pré – Escolar definitivo.
Inspektur Edukasaun Manufahi Roberto Fernandes hateten, Suku ida ne’e foin hahú loke Eskola Intensivo (Eskola La’ós Formal) hanesan parte ida atu Koko no hare’e, labarik Sira kreativo hodi Partisipa ativo iha prosesu edukasaun nian no molok hakat ba Eskola Pré – Eskolar.
“Programa Intensivo ne’e hanesan, programa probatório ida ne’ebé Ministério Edukasaun maka inisia no implementa Liu husi Diresaun Pre – Eskolar, no Programa Intensivo ne’e ba Postu Administrativo Turiscai Ita hahú implementa ba Suku Foholau, Lesuata, Fatucalo, Orana, Beremana no Furaklau.”
“Kona ba Pre – Eskolar ne’e La’ós buat fasil no tenke kompleta rekezitus lubuk Ida Mak hanesan, Fatin hanoin, Professor no Alunus no ba Programa ida Eskola Intensivo ne’e Ohin Ita halo Inseramentu ba Programa Intensivo kada Eskola ne’ebé estabelese ona iha Tinan ne’e no tinan oin hodi hakat ba Pre – Eskolar. (Roberto Fernandes Inspektur Eskolar Manufahi).
Representante Xefe Suku Foholau Ijak da Costa iha Nia parte, agradese ba Edukasaun Tamba pela priméira reálija aktividade Ne’e iha Suku ne’e no husu Edukasaun Munisipál Manufahi atu hari’i Fatin hodi fasilita prosesu aprendisajen ba labarik Sira.
Tuir observasaun Radio Komunidade Lian Proklamador nota katak, Programa Intensivo ou Eskola lá’os Formal hahú reálija iha Fulan Agustu – Dezembro 2025 ho totál alunos nain 11 kompostu husi Mane 6 no feto 5.
Ekipa Kobertura RKLP
Leave a Reply