Rádiu Komunidade Lian Proklamadór Turiscai nu’udar rádiu komunidade ne’ebe harii husi inisiativa komunidade nian Turiscai liu husi proposta ba Governu iha tinan 2019, no depois inagura husi Ministru ba Asuntus Parlamentares no Komunikasaun Sosiál (MAPKOMS), Francisco Martins da Costa Pereira Jerónimo liu husi programa Diresaun Nasionál Promosaun no Dezenvolvimentu Mídia Lokál (DNPDML) iha loron sesta-feira, 17 fulan-fevereiru 2023, iha postu administrativu Turiscai, munisípiu Manufahi.
Objetivu prinsipál harii Rádiu Komunidade Lian Proklamadór Turiscai ne’e hanesan tuir mai:
- Rádiu Komunidade Lian Proklamadór Turiscai hari’i hodi hatutan lian husi no ba komunidade lokal, liu-liu iha área edukasaun, informasaun, no kultura.
- Atu husu respeita ba saudozu Francisco Xavier do Amaral, nu’udar aman proklamador independénsia Timor-Leste, ne’ebé mai husi Turiscai.
- Sai hanesan parseira entre Governu no komunidade lokal hodi bele serbisu hamutuk atu hare’e dezenvolvimentu lokal iha Turiscai.
